Translate
E rārangi mai i raro iho nei ngā Mōtika. A rā ētahi ratonga kāore e eke ki te tutuki i ngā mōtika katoa, engari me ngana tonu rātou.
Mēnā kei te hia whakamahuki, tēnā whakapā mai.
Kia kauanuanutia koe, me tō mana e ai ki tō matatapu.
Me whakaarotia ō tikanga ahurea, whakapono, papori, tuakiri hoki.
Ka pātai pea ngā kaimahi hauora, hauā hoki mō ngā mea e hiahiatia ana e koe, ā, ka panoni pea ngā āwhinatanga ōu.
Me kaua koe e tāmi, e aupēhi, e raru rānei i a koe ka toro atu ki ngā ratonga.
Me kaua tō pakeke, tō ira, tō whakapono, tō whakaipo, tō whānau, tō mahi, tō taeratanga, tō hauātanga rānei e panoni i tō toro atu ki ngā ratonga āwhina.
Kia tiakina tō mana motuhake i a koe ka toro atu ki ēnei ratonga.
Māu anō ō āheinga e whakakōrero.
Ngā paearu tiakitanga:
Me mahi tahi ō kaitautoko ki a koe e eke ai te manaakitia ōu ki te taumata e tika ana.
Me mārama koe ki ngā kōrero katoa ka tae ki a koe.
E taea ana tō tono i tētahi kaiwhakamārama kōrero e mātau ana ki ngā kōrero, mēnā e wātea ana tētahi ki a koe.
Ko ngā whakawhitinga kōrero katoa me ngākau tūwhera, i tētahi wāhi haumaru.
Me whakamōhiotia koe mō te āhua ki:
Me pono ngā whakautu ki ō pātai mo ngā ratonga.
Kei a koe te mana ki te tono tuhinga mo ngā whakamōhio.
Ka pātai pea koe mō:
Me whai wāhi rawa koe ki tētahi ratonga mēnā:
E taea ana koe:
Me tuku ki a koe te mana ki te whakatau me te whakaae, māna, e whakaarotia ana tētahi whakaratonga kāore e taea ana e koe tērā mahi.
Me whakaae koe, ā-tuhi, mēnā e whakaae ana koe ki te kuhu ki ētahi mahi rangahau, tētahi hātepe hukihuki, he rehu tokitoki, mēnā rānei he mate āpiti nui ka pā pea ki a koe.
Mēnā kāore i kaha tō kaiaka (h.t. he tamaiti koe), me whakatau, me whakaae tonu koe e ai ki te taumata o tō āheinga.
Mēnā kāore e taea ana e koe te whakaae, hei tauira, mēnā e mauri moe ana koe, ka whai wāhi atu ki a koe ngā ratonga whakapiki i tō ora.
Me āta rangahau ngā whakaratonga mēnā ka hāngai ērā ratonga ki o hiahia, me whakawhiti kōreor ki tō whānau me o hoa.
E taea ana e koe tētahi tangata tautoko i a koe, heoi me haumaru, me kaua e haukoti i ngā mōtika o tangata kē atu.
Tēnā whakaarohia ko wai te tangata pai ki te tautoko i a koe i ō pātai.
Ka whai wāhi atu ēnei mōtika katoa i a koe ka kuhu ki te ako me te rangahau.
E taea ana e koe te whakahē i te whai wāhitanga o te tauira ako ki a koe.
E taea ana e koe te amuamu mō tētahi whakaratonga, mā te ara e pai ana ki a koe.
Me whai ngā whakaratonga ki te whakatau i ngā amuamu, ā, me horo, me matatika hoki.
Me whakamōhiotia koe ki ngā hātepe amuamu a te whakaratonga.
Me whakamōhiotia koe mō te whanaketanga me te hua o tō amuamu.
Me whakamōhiotia koe mō ngā tangata āwhina i a koe me tō amuamu, tae atu ki ngā kaitautoko me te Kaikōmihana Hauora me te Hauātanga.
